ლუკა გაგნიძე მოსკოვის დინამოს ტოვებს?

საქართველოს ეროვნული ნაკრების ნახევარმცველი ლუკა გაგნიძე კვლავაც რუსეთის ჩემპიონატში რჩება. 22 წლის ფეხბურთელს დინამო მოსკოვთან მოქმედი კონტრაქტი 2026 წლის ზაფხულამდე აკავშირებს, რაც ჯერ კიდევ არ იძლევა იმედს, რომ ის უახლოეს მომავალში კლუბსა და ქვეყანას დაემშვიდობება.

თუმცა, რუსული მედიის ინფორმაციით, არსებობს შანსი, რომ გაგნიძე უკვე ამ ზაფხულს დატოვოს მოსკოვური გუნდი, ამჯერად იჯარის საფუძველზე. დინამო მზადაა, ქართველ ფეხბურთელს ახალი კლუბი დროებით უპოვოს. რომელ გუნდებზეა საუბარი, ჯერჯერობით უცნობია, თუმცა იჯარაზე ფიქრი იმაზე მიანიშნებს, რომ ლუკას კარიერაში ცვლილებები გარდაუვალია.

შეგახსენებთ, რომ ახალგაზრდა ფეხბურთელი დინამო თბილისის აკადემიის აღზრდილია და ევროპაში გასვლამდე სწორედ ამ კლუბში გამოიჩინა თავი. 2021 წელს ის რუსულ დინამო მოსკოვს შეუერთდა, თუმცა სტაბილური სათამაშო დრო ვერ მოიპოვა. შედეგად, სხვადასხვა პერიოდში იჯარით ეკატერინბურგის ურალში, პოლონურ რაკუვში და ბოლოს კრილია სოვეტოვში ასპარეზობდა.

2024/25 წლების სეზონში გაგნიძემ საერთო ჯამში 19 შეხვედრაში მიიღო მონაწილეობა და თავის ანგარიშზე 3 გოლი და 1 საგოლე გადაცემა ჩაიწერა.