მოქმედი ჩემპიონი და კერკეტი ამერიკელი

უიმბლდონი 2025 გადამწყვეტ ფაზაში შედის. წლის რიგით მესამე დიდი სლემის გათამაშებაში უკვე ორი ნახევარფინალისტის ვინაობა გაირკვა.

პირველად კარიერაში ტეილორ ფრიცი უიმბლდონის საუკეთესო ოთხეულში მოხვდა. 27 წლის ამერიკელი ჩოგბურთელი მეიჯორის ფინალშიც კი გასულა, როდესაც შარშან საკუთარ სამშობლოში US OPEN-ის მოგებამდე ერთი ნაბიჯი დააკლდა, თუმცა ტრიუმფი არ გამოუვიდა და ამჟამად რეიტინგის პირველ ნომერ იტალიელ იანიკ სინერთან დამარცხდა.

დავუბრუნდეთ ისევ უიმბლდონს, სადაც ტეილორ ფრიცი, რომელიც რეიტინგში მეხუთე პოზიციაზეა იდეალურად გამოიყურება. 1/4 ფინალურ დაპირისპირებაში მან კარენ ხაჩანოვი დაჯაბნა – 6:3, 6:4, 1:6, 7:6.

რაც შეეხება კიდევ ერთ ნახევარფინალისტს, ნამდვილად არ გაიკვირვებთ თუ გეტყვით, რომ ის კარლოს ალკარასია. ესპანელმა ვარსკვლავთბიჭუნამ ბრიტანელი კამერონ ნორისგან ქვა ქვაზე არ დატოვა და სამ სეტში მარტივად აჯობა.

შეგახსენებთ, კარლოს ალკარასი დიდი სლემების ხუთგზის გამარჯვებულია, მათ შორის ორჯერ სწორედ უიმბლდონზე იჩემპიონა.