გამოგვიწერეთ

ჭადრაკი

ნინო ბაციაშვილი ევროპის ჩემპიონია

გააზიარეთ

მონტე კარლოში დასრულდა ევროპის ჩემპიონატი სწრაფ ჭადრაკში და კონტინენტის ჩემპიონი ნინო ბაციაშვილი გახდა.

პირველი დღის (5 ტური) შემდეგ ბაციაშვილს 3.5 ქულა ჰქონდა და ლიდერთა შორის არ იყო, მაგრამ მეორე დღეს ექვსიდან ხუთი პარტია მოიგო, ხოლო ერთი ყაიმით ითამაშა და ალექსანდრა კოსტენიუკთან ერთად 9-9 ქულა დააგროვა. თუმცა, ჩვენებურმა შვეიცარიელს იმით აჯობა, რომ ბოლო ტურში უშუალოდ მოუგო. ბაციაშვილმა ტურნირი წაუგებლად დაასრულა – შვიდი მოგება და ოთხი ყაიმი.

მესამე ადგილზეც ქართველი გავიდა – სოფიო გვეტაძე. ბრინჯაოს მედალოსანმა ექვსი პარტია მოიგო, ოთხი ყაიმით დაასრულა, ხოლო ერთი წააგო.

შეგახსენებთ, სწრაფ ჭადრაკამდე ევროპის ჩემპიონატი ბლიც-ჭადრაკშიც გაიმართა, სადაც ბელა ხოტენაშვილმა მეორე ადგილი დაიკავა.

ნახვები: 400
მსგავსი თემები
რეკლამა

იხილე მეტი

ივნისი 2026
ო ს ო ხ პ შ კ
1234567
891011121314
15161718192021
22232425262728
2930  

იხილეთ სრულად ჭადრაკი