როდის მიუბრუნდება ვალენსია ჩაკვეტაძის კანდიდატურას

გიორგი ჩაკვეტაძეს ვალენსიასთან შესაძლო ტრანსფერზე საუბარი კვლავ აქტუალურია.

“ღამურების” მთავარი მწვრთნელი, კარლოს კორბერანი, ჩაკვეტაძის შეძენას კვლავ აქტიურად ითხოვს, თუმცა კლუბში არსებული ფინანსური სიტუაცია ამ ეტაპზე ტრანსფერის განხორციელებას აფერხებს.

როგორც ირკვევა, ყველაფერი იმაზეა დამოკიდებული, დატოვებენ თუ არა გუნდს ანდრე ალმეიდა ან უგო გუილამონი. ერთ-ერთი ამ ფეხბურთელის წასვლის შემთხვევაში, “ღამურები” მზად არიან გიორგი ჩაკვეტაძეზე მოლაპარაკებები გააგრძელონ და შეეცადონ ტრანსფერის დასრულებას სატრანსფერო ფანჯრის დახურვამდე – ანუ 1 სექტემბრამდე.

უოტფორდი ქართველის სანაცვლოდ დაახლოებით 10-12 მილიონ ევროს ითხოვს, რაც ვალენსიასთვის ამ ეტაპზე პრობლემურ ნიშნულად რჩება.

ამავდროულად, ჩაკვეტაძე მოშუშებული ტრავმის შემდეგ მოედანზე დაბრუნებასაც უახლოვდება და დიდი შანსია, რომ ჩემპიონშიპის მეორე ტურში უკვე უოტფორდს დაეხმაროს.