საქართველოს თასზე ფინალამდე გზა ცნობილია

საქართველოს ფეხბურთის ფედერაციაში დავით ყიფიანის სახელობის თასის მეოთხედფინალური და ნახევარფინალური ეტაპების წილისყრა გაიმართა. არადა, ჯერ მერვედფინალური ეტაპიც არ დასრულებულა,

საქმე ის არის, რომ ევროტურნირების გამო ორი მატჩი (იბერია-ტორპედო და სპაერი-კოლხეთი) გადაიდო.

მიუხედავად ამისა, მეოთხედფინალში გუნდები შემდეგნაირად დაწყვილდნენ:

1).მეშახტე-იბერია ან ტორპედო;

2).ლოკომოტივი-დინამო (ბთ);

3).დილა-სპაერი ან კოლხეთი;

4).რუსთავი-სამტრედია;

რაც შეეხება ნახევარფინალებს, აქ ასეთი სუტიაცია დალაგდა.

პირველ წყვილში გამარჯვებული ფინალში გასასვლელად მეორე წყვილში გამარჯვებულს დაუპირისპირდება. ცხადია, ერთმანეთს შეხვდებიან მესამე და მეოთხე წყვილებში გამარჯვებულები.

მეოთხედფინალური შეხვედრები 23 სექტემბერს გაიმართება, ხოლო ნახევარფინალური მატჩები 30 ოქტომბერს.

გადადებულ მატჩებს რაც შეეხბა: იბერია 1999-სა და ტორპედოს მერვედფინალური მატჩი 13 აგვიტოს გაიმართება, ხოლო სპაერი და კოლხეთი გამარჯვებულს 20 აგვიტოს გამოავლენენ.