ფრანკო ბარეზი გარდაიცვალა

66 წლის ასაკში ლეგენდარული იტალიელი ფეხბურთელი ფრანკო ბარეზი გარდაიცვალა. – ინფორმაცია ამის შესახებ მისი მშობლიური კლუბი მილანი ავრცელებს.

ბარეზი მსოფლიოს  ფეხბურთის ისტორიაში ერთ-ერთ უდიდეს მცველად ითვლება . მან მთელი პროფესიული კარიერა მილანში გაატარა.

1977–1997 წლებში ბარეზიმ მილანთან ერთად სამჯერ ჩემპიონთა თასი, ორ-ორჯერ ევროპის სუპერთასი და საკონტინენტთაშორისო თასი მოიპოვა. ექვსჯერ იტალიის ჩემპიონი გახდა და ოთხჯერ იტალიის სუპერთასი აღმართა.
ფრანკო ბარეზი 1982 წელს მსოფლიოს ჩემპიონი გახდა.
1994 წელს კი ბრაზილიასთან პენალტების სერიაში ფინალი წააგო.
ბარეზის პატივსაცემად, მილანმა ექვსნომრიანი მაისური სამუდამოდ ამოიღო.

ფრანკო ბარეზის გარდაცვალება სავარაუდოდ, ფილტვებთან დაკავშირებულ მძიმე დაავადებას უკავშირდება.
2025 წელს მას ფილტვში კვანძი აღმოაჩნდა და ქირურგიული ოპერაცია ჩაუტარდა. ამის შემდეგ იგი იმუნოთერაპიის კურსს გადიოდა.

ავტორი: კახა მიხანაშვილი