გამოგვიწერეთ

კალათბურთი

ბოსნია შარშია – მუსას შემდეგ კასტანედაც დააკლდება

გააზიარეთ

საქართველოს ნაკრების მეტოქე ევროპის ჩემპიონატის ჯგუფურ ეტაპზე, ბოსნია-ჰერცეგოვინის ნაკრები მაგარ შარშია. მთავარი ვარსკვლავის, ჯანან მუსას დანაკლისის შემდეგ გუნდს ტრავმის გამო ვერც ამერიკელი უკანახაზელი ხავიერ კასტანედა დაეხმარება.

ბოსნიელებს კასტანედას შემცვლელი მალევე მოძებნეს და ეს 37 წლის ჯონ რობერსონის, ვინაც 2022 წლის ევრობასკეტზე ითამაშა. ერთია, რობერსონს ახლა კარგი პერიოდი ნამდვილად არ უდგას, რადგან თებერვლის შემდეგ სათამაშო ფრაქტიკა არ ჰქონია.

თუმცა, ბოსნიელთა თავკაცი ადის ბეჩირაგიჩი მაინც იმედიანად არის:

„კასტანედა შეკრებაზე ჩამოსვლის დღიდან ტრავმებს იშუშებდა. ამ დრომდე გუნდთან ერთად იმიტომ იყო, რომ ექიმების ვარაუდით ევროპის ჩემპიონატისთვის სრულ მზადყოფნაში იქნებოდა. სამწუხაროდ, ასე არ მოხდა. ბოლომდე ვიცდიდით, მაგრამ ფაქტის წინაშე დავდექით. რაც შეეხება ჯონ რობერსონს, ნაკრების წევრები კარგად იცნობენ და ჩვენს სისტემასთან მორგება არ გაუჭირდება. აუცილებლად უნდა აღინიშნოს, რომ კარგ ფორმაში იმყოფება, რადგანაც ზაფხულში ვარჯიში არ შეუწყვეტია. ამდენად, ამ მხრივ პრობლემებს არ ველით”.

ბოსნიელთა პრობლემები ამით არ მთავრდება – ჯერ კიდევ გაურკვეველია ითამაშებს თუ არა ევრობასკეტზე გუნდის კაპიტანი მირალემ ჰალილოვიჩი.

სავარაუდოდ, ბეჩირაგიჩი იმ 12 კალათბურთელს, რომლებიც ევროპის ჩემპიონატზე გაემგზავრება, 21 აგვისტოს დაასახელებს.

ამავე დღეს, ჩეხებთან მატჩის შემდეგ ველოდებით საქართველოს ნაკრების მთავარი მწვრთნელის, ალეკსანდრ ჯიკიჩის 12-კაციან სიასაც.

დააწკაპუნეთ კომენტარისთვის

Leave a Reply

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *

რეკლამა

იხილე მეტი

ნოემბერი 2026
ო ს ო ხ პ შ კ
 1
2345678
9101112131415
16171819202122
23242526272829
30  

იხილეთ სრულად კალათბურთი