ავსტრალიამ და საემიეროებმა თბილისზე უარი თქვეს

არ არის მაინც და მაინც კარგი ამბავი… ყინულის ჰოკეის საერთაშორისო ფედერაციამ (IIHF) მსოფლიოს ჩემპიონატის II დივიზიონის A ჯგუფი, სადაც საქართველოს ნაკრებსაც უნდა ეთამაშა, ახლო აღმოსავლეთში შექმნილი საომარი ვითარების გამო წელს გააუქმა.

ტურნირისთვის 20-26 აპრილს არაბთა გაერთიანებული საამიროებს უნდა ემასპინძლა, მაგრამ იქ ახლა ჰოკეისთვის არავის სცალია. შედეგად, საერთაშორისო ფედერაციამ ჯგუფის თამაშები თბილისში გადმოიტანა, მაგრამ საქართველოში ჩამოსვლაზე უარი ავსტრალიამ თქვა. ერთი გუნდი ვერაფერს შეცვლიდა, თავად არაბთა გაერთიანებული საამიროების გუნდიც რომ ჩამოსულიყო, მაგრამ მთავრობამ თბილისში გამგზავრებაზე უარი უთხრა. დარჩა ოთხი ნაკრები რჩებოდა და რეგლამენტის თანახმად, ტურნირი გაუქმდა.

ამავე მიზეზით უკვე გაუქმდა ტურნირი ქუვეითში, სადაც IV დივიზიონის თამაშები უნდა გამართულიყო. IIHF-ს ცნობით, ამ ჯგუფებში ასვლა, ან დაქვეითება 1 წლით „გაიყინა“.

არადა, თბილისის ტურნირზე თამაშის სურვილი ბელგიამ, სერბეთმა და ხორვატიამ კი გამოთქვეს, მაგრამ…