ახალი კონტრაქტი მზარდი ხელფასით

რა გასაკვირია, რომ ბარსელონა თავისი სუპერვარსკვლავის შესანარჩუნებლად უკან არაფერზე იხევს. ისიც მოსალოდნელი იყო, რომ თავად ჯერ კიდევ თინეიჯერი ლამინ იამალი კლუბის შეცვლას არ ისურვებდა და ნაცნობ გარემოში დარჩენას ამჯობინებდა.

უცხოური ტაბლოიდების მტკიცებით, ესპანეთის ნაკრების და ბარსელონას 17 წლის ნახევარმცველი კატალონიურ გრანდში 2030 წლამდე დარჩება და მისი ანაზღაურება ბონუსების ჩათვლით წელიწადში 9 მილიონი ევრო იქნება. ნიშანდობლივია, რომ იამალს ხელფასი ყოველწლიურად ავტომატურად გაეზრდება, სანამ 18 მილიონს არ მიაღწევს.

ლა-ლიგის მიმდინარე სეზონში, რომელიც უკვე ფინიშის სწორზეა და სწორედ კატალონიელთა ტრიუმფით სრულდება, ლამინ იამალმა ბარსელონას მაისურით 34 მატჩში 9 გოლი გაიტანა და 13 შედეგიანი პასი მიითვალა. რაც შეეხება ჩემპიონთა ლიგას, სადაც ბარსელონა გათამაშებას ნახევარფინალში ინტერთან მარცხის შემდეგ გამოეთიშა იამალმა მეტოქეთა კარი ხუთჯერ დალაშქრა.