ბარსელონამ მშვიდად მოიგო

ლა ლიგის მატჩში ბარსელონამ გამარჯვება იზეიმა. ,,ნოუ კამპის” სტადიონზე გამართულ შეხვედრაში კატალონიელებმა ბილბაოს ატლეტიკი 2:0 დაამარცხეს.

ბარსელონამ მეტოქეს თითო ტაიმში თითო გოლი გაუტანა და აქტივში სამი ქულა ჩაიწერა.

ბარსელონა შეხვედრის 37-ე წუთზე დაწინაურდა. პედრის პასით ხელსაყრელ პოზიციაზე დარჩენილმა ბრაზილიელმა რაფინიამ მეკარე უნაი სიმონი მოატყუა და ბურთი ცარიელ კარში შეაგორა.

82-ე წუთზე ბილბაოს მცველმა ემერიკ ლაპორტემ საჯარიშო სულელური შეცდომა დაუშვა და ბურთი მეკარის ნაცვლად ფერმინ ლოპესს მისცა. ლოპესმა ეს საჩუქარი შეირგო და ბასკების კარში მეორე გოლი გაიტანა.
აღსანიშნავია ის ფაქტი, რომ დღევანდელი შეხვედრის გოლების ავტორებს რაფინიას და ფერმინ ლოპესს ორი ტურის შემდეგ 3-3 გოლი დაუგროვდათ და ამ დროისთვის კილიან მბაპესთან ერთად ბომბარდირთა დავაში ლიდერობენ.

კატალონიელთა რიგებში 2026 წლის მსოფლიოს ჩემპიონატის საუკეთესო ფეხბურთელის როდრის დებიუტი შედგა. როდრი მოედანზე 63-ე  წუთზე რაფინიას ნაცვლად შევიდა

ამ გამარჯვებით ბარსელონამ 6 ქულა დააგროვა და 7-0 ბურთების სხვაობით სატურნირო ცხრილში პირველ ადგილზეა.

ბარსელონა 2:0 ბილბაო
1-0 რაფინია (37), 2-0 ფერმინ ლოპესი (82)

ავტორი: კახა მიხანაშვილი.