გამოგვიწერეთ

ლეგიონერები

გიორგი კვერნაძე და ფროზინონე სერია A-ში დაბრუნდნენ

გააზიარეთ

მომავალ სეზონში იტალიის სერია A-ს ქართველი შეუერთდება. გიორგი კვერნაძის ფროზინონემ სერია B-ს ბოლო ტურში მანტოვა 5:0 გაანადგურა და ელიტაში თამაშის უფლება მიიღო.

ფროზინონემ სეზონი 81 ქულითა და მეორე ადგილით დახურა. გუნდი სერია A-ში მეოთხედ ითამაშებს. ერთია, წინა სამ შემთხვევაში ადგილი ვერ შეინარჩუნა და ამ ცუდი ისტორიის გამოსწორებას მომავალ სეზონში ეცდება.

მანტოვასთან კვერნაძემ შეუცვლელად ითამაშა. მართალია, ამჯერად შედეგიანი ქმედებით თავი არ გამოუჩენია, მაგრამ სეზონის მანძილზე გუნდისთვის საჭირო კაცი იყო და ხუთ-ხუთი გოლითა და საგოლე პასით დაეხმარა.

კვერნაძისთვის სერია A უცხო არ არის და ფროზინონესთან ერთად 2023-24 წლების სეზონში უთამაშია. თუმცა, მაშინ გუნდში მოკრძალებული როლი ჰქონდა და სულ ხუთი მატჩი ითამაშა.

ნახვები: 295
მსგავსი თემები
რეკლამა

იხილე მეტი

აგვისტო 2026
ო ს ო ხ პ შ კ
 12
3456789
10111213141516
17181920212223
24252627282930
31  

იხილეთ სრულად ლეგიონერები