კრისტალბეთ ეროვნულ ლიგაში მესამე წრის ბოლო ტური დაიწყო. ორი მატჩი გაიმართა – ერთი ფრედ დასრულდა, ერთიც უხვგოლიანი გამოდგა.
გაგრა-მეშახტე 1:1
თბილისი. პეტრო არენა
1:0 ჭავჭანიძე (25); 1:1 კვირკვია (83)
ცხრილიდან გამომდინარე, ფრე არცერთ გუნდს არ აწყობდა. გაგრა ცდილობს, რომ მერვე ადგილიდან ზემოთ აიწიოს, ხოლო მეშახტე ბოლოზეა და ყველა მოუგებელი მატჩი გავარდნასთან აახლოვებს.
მომენტები ორივე გუნდს საკმაოდ ჰქონდა: ჯერ გაგრა დაწინაურდა – შეტევაში ჩართულმა მცველმა ზურაბ ჭავჭანიძემ ალექსანდრე ფეიქრიშვილის პასით გაიტანა; ტყიბულელებმა ბოლოს გაათანაბრეს – ცოტნე ფაცაციას ჩაწოდება, მათე კვირკვიას თავური და 1:1.
სამგურალი-დინამო (თბ) 2:3
წყალტუბო. საფეხბურთო ცენტრი
1:0 გეგეჭკორი (12პ); 1:1 ტეიშეირა (28); დოლტმურზიევი (37); 2:2 გეგეჭკორი (42); 2:3 ნინუა (74)
წყალტუბოში დაძაბული მატჩი ვნახეთ: თავიდან სამგურალი დაწინაურდა – ლაშა შერგელაშვილმა საჯარიმო შეასრულა, ბურთი ცოცხალ კედელში მდგომ გიორგი ხარაიშვილს ხელზე მოხვდა და VAR-ზე გადამოწმების მერე პენალტი, რომელიც ლევან გეგეჭკორმა გაიტანა.
დინამო უფრო მოინდომა და არათუ გაათანაბრა, არამედ დაწინაურდა კიდეც: ჯერ პარის ფსალტისის პასი მაქსიმ ტეიშეირამ გამოიყენა და დაბალ კუთხეში ზუსტად დაარტყა; ხოლო მალევე ნიკა ნინუას თავით გაკეთებულ პასს ჰალიდ დოლტმურზიევის ზუსტი დარტყმა მოჰყვა; სამგურალმა ისევ გეგეჭკორის გოლით გაიხარა. გამოცდილმა მარჯვენაფლანგელმა მახვილი კუთხიდან ძლიერი დარტყმით გაათანაბრა ანგარიში.
მეორე ტაიმში დინამომ მოახერხა უპირატესობის მოპოვება და 74-ე წუთზე ნიკა ნინუამ დინამო წინ გაიყვანა. ბარნს ოსეიმ დაარტყა, მეკარე არსენ სიუკაევმა მოიგერია ბურთი და ნინუამ დაამატა – 2:3.
სატურნირო ცხრილი:
1.რუსთავი 26 13 7 6 32-21 46
2.დინამო (თბ) 26 12 9 5 43-29 45
3.დინამო (ბთ) 26 12 8 6 43-34 44
4.იბერია 25 13 4 8 35-28 43
5.დილა 26 11 4 11 34-29 37
6.ტორპედო 26 9 9 8 41-31 36
7.სამგურალი 27 9 5 13 38-52 32
8.გაგრა 27 6 11 10 25-37 29
9.სპაერი 26 5 10 11 33-39 25
10.მეშახტე 27 2 11 14 20-44 17
