დუბლი ბაიერნთან – კვარაცხელია ლიგას იპყრობს

ჩემპიონთა ლიგის პირველ ნახევარფინალში პსჟ-მ შინ მიუნხენის ბაიერნი მიიღო და 5:4 დაამარცხა. გამარჯვებაში კი, უდიდესი როლი ითამაშა ხვიჩა კვარაცხელიამ.

პარკ დე პრენსზე შეკრებილ გულშემატკვიარს არ მოუწყენია და ნამდვილი საფეხბურთო ზეიმი ნახეს – გოლების ცვენა. თამაშის მიმდინარეობა რადიკალურად იცვლებოდა.

თავდაპირველად ბაიერნი დაწინაურდა – ჰარი კეინმა 11 მეტრიდან შეაგდო; მერე კვარამ მორიგი შედევრი შექმნა და ანგარიში გაათანაბრა; ჟოაო ნევეშმა პარიზელები სულაც წინ გაიყვანა; ტაიმის ბოლომდე გუნდებმა კიდევ თითო გოლი გაცვალეს: ჯერ ოლისემ გაათანაბრა; ტაიმის ბოლოს კი, დემბელემ პენალტით პსჟ-ს უპირატესობა დაუბრუნა;

მერე ტაიმის დაწყება და ფრანგული კლუბის აფეთქება ერთი იყო და ეს ყველაფერი ორ გოლში აქციეს: ხვიჩამ აშრაფ ჰაკიმის გამჭოლი პასი დაასრულა მოხდენილი გოლით და დუბლიც გაიფორმა; ორ წუთში კი, დუბლი დემბელემ შეასრულა – 5:2.

ბაიერნი არ დანებდა… უპამეკანომ და ლუის დიასმა სამწუთიან მონაკვეთში სხვაობა ისევ მინიმუმამდე დაიყვანეს. დრო კიდევ იყო… ორივე გუნდი უტევდა

ხვიჩა ჩემპიონთა ლიგაში 10 გოლი და ხუთი პასი მოუგროვდა და ლიგის ბომბარდირებში მესამე ადგილზე გადავიდა. ჩვენებური მხოლოდ კილიამ მბაპესა (15) და ჰარი კეინს (13) ჩამორჩება; საგოლე მოქმედებებით კი, მხოლოდ კილიამ მბაპეს (15+1); თუმცა, მბაპეს ტურნირი უკვე დასრულებული აქვს.