ენცო მარესკა: “ფეხბურთელებს ფინალამდე ეს ვუთხარი”

ლონდონის ჩელსიმ კონფერენს ლიგის ფინალში რეალ ბეტისი უპრობლემოდ, 4-1 დაამარცხა და მორიგ ევროპულ ტიტულს დაეუფლა.

ჩელსიმ სეზონის ბოლოს დიდებული ფორმა აკრიფა და პრემიერლიგაში ჩემპიონთა ლიგის ზონაში ადგილიც მოიპოვა, რაც ნოტინგემ ფორესტის დამარცხებით შეძლო ბოლო ტურში.

ფინალის შემდგომ, ლონდონელების თავკაცმა, ენცო მარესკამ, ფეხბურთელებისადმი მისი წინასაფინალო მესიჯი გაგვანდო:

“ნოტინგემის დამარცხების შემდგომ ბიჭებს ვუთხარი – თუ გვინდა, რომ მნიშვნელოვანი გუნდი ვიყოთ და დიდი სახელი გვქონდეს, ფინალი აუცილებლად უნდა მოვიგოთ. შემდეგ სეზონში, ვეცდებით წლევანდელი შედეგები გავიმეოროთ და გავაუმჯობესოთ.

რის ჯეიმსი ჩვენთვის წამყვანი და უმნიშვნელოვანესი მოთამაშეა, თუმცა ვცდილობ, მას გავუფრთხილდე. წინა სეზონებთან შედარებით ჯეიმსი წელს უფრო ჯანმრთელია და ამით ბედნიერი ვარ.

მალო გუსტო ძალიან მომწონს, მაგრამ პირველი გოლის დროს მან პასის გაკეთებისას შეცდომა დაუშვა.”

ერთ-ერთ მომენტში მარესკასგან ინტერვიუს მაიკლ ანტონიო იღებდა, რომელიც ამჟამა ვესტ ჰემში ირჯება:

“დიახ, მართალია, რომ ჩვენ ახალი ფორვარდის შეძენა გვსურს, მაგრამ არა შენი, რადგან შენ უკვე ძალიან ასაკში ხარ!”, – იხუმრა ენცომ.