მარკოიშვილმა სეზონი ჩემპიონობით დახურა

მანუჩარ მარკოიშვილმა სეზონი საფრანგეთის ჩემპიონობით დახურა! ფინალური სერიის მეხუთე, გადამწვეტ მატჩში მისმა გაწვრთნილმა მონაკომ პარიზი სტუმრად დაამარცხა და ქვეყნის ჩემპიონობას დაეპატრონა.

ამ ამბავს მარკოიშვილისთვის განსაკუთრებული მნიშვნელობა აქვს. 2025-26 წლების სეზონის შუაწელში, მას შემდეგ რაც ვასილის სპანულისმა მონაკოს მთავარი მწვრთნელის პოსტი დატოვა, ფრანგული გრანდში დროებით სამწვრთნელო საქმიანობა, სპანულისის ასისტენტს, მარკოიშვილს მიანდვეს და ეს შანსი ქართველმა სპეციალისტმა ჩინებულად გამოიყენა.

ევროლიგაზე მოპოვებული შთამბეჭდავი, ზედიზედ გამარჯვებების სერიის შემდეგ, კლუბის მესვეურებმა ახალი მწვრთნელის ძებნა საერთოდ შეწყვიტეს და მანუმაც სრული, უპირობო ნდობა მიიღო.

ქართველი მწვრთნელის წინამძღოლობით, გუნდმა ჯერ ევროლიგის ფლეი ოფის საგზური მოიპოვა, შემდეგ საფრანგეთის თასს დაეუფლა, ბოლოს კი ამ სეზონს დიდებული წერტილი დაუსვა. საფრანგეთის ჩემპიონატის ფინალური სერიის გადამწყვეტ, დრამატულ მატჩში მონაკომ 101:92 იმარჯვა…