რიდი და მოურიდებელი შენგელია ესპანეთს მოერია

2023 წლის მსოფლიო ჩემპიონატზე გასასვლელად პირველ საკვალიფიკაციო ეტაპზე ქულების მეტი რაოდენობა გვჭირდებოდა. ეს უკრაინასთან უფრო იყო დაგეგმილი, მაგრამ საშინლად ვითამაშეთ. შემდეგი გაჩერება ესპანეთი იყო. თითქოს უშანსოდ ვიყავით. განსაკუთრებით მაშინ, როდესაც 20 და მეტ ქულას ვაგებდით. თუმცა, თამაში მაინც შემოვატრიალეთ და ოვერტაიმში 91:89 მოვუგეთ.

ამ მოგებამ 2023 წლის მსოფლიო ჩემპიონატის ვაიბები წამოიღო. მაშინაც ლატვიაში უკრინასთან წავაგეთ, შემდეგ ესპანელებს ოვერტაიმში მოვუგეთ და გავედით.

თამაშის ბედი ორმა კალათბურთელმა გადაწყვიტა – თორნიკე შენგელიამ და მარკიზ რიდმა. კაპიტანმა 37 ქულა, 10 მოხსნა, 2 პასი და 4 ჩაჭრა მიითვალა, ხოლო ნატურალიზებულმა ამერიკელმა 32 ქულა, 7 პასი და 2 ჩაჭრა. გაინტერესებთ სხვა ყველაზე შედეგიანი კალათბურთელის ანგარიში? მხოლოდ 6 ქულა…

აი, დაცვაში გარჯას ვერავის დავუკარგავთ. განსაკუთრებით ბოლო მეოთხედში…

მუნდიალის შემდეგ ეტაპზე უკვე ვართ. აი, მეტოქეებად ვინ გვეყოლება, მოგვიანებით გაირკვევა…

მუნდიალისკენ ნაბიჯი არის, დანარჩენი მეორე ეტაპზე გაირკვევა…