ქეცბაიამ ეროვნული ლიგა მოგებით დაიწყო

ქეცბაიამ ეროვნული ლიგა მოგებით დაიწყო

კრისტალბეთ ეროვნული ლიგის მეცხრე ტურის პირველ მატჩი გაიმართა, სადაც თემურ ქეცბაიას დებიუტი, მთავარი მწვრთნელის რანგში, წარმატებული გამოდგა.

სამგურალი-დინამო (თბ) 1:2

დინამო თბილისმა შვიდმატჩიანი მოუგებელი სერია შეწყვიტა. აი, სამგურალმა კი ზედიზედ მეოთხედ წააგო.

პირველი გოლი 33-ე წუთზე ვნახეთ. დინამოელთა კუთხურის შემდეგ, მათე ვაწაძემ პენალტი მოიპოვა, რომელიც გოლად თავადვე აქცია; 37 წლის ვაწაძემ მეორე ტაიმში კიდევ ერთი გოლი მიითვალა – როდრიგუ რამუშის პასით სხვაობა გაზარდა.

მეორე ტაიმის შუაში დინამო ათი კაცით დარჩა: გოგა კიკაჩეიშვილმა უხეშობისთვის წითელი ბარათი მოედანზე ოთხი წუთის შესულ ირაკლი სირაძეს უჩვენა.

მეტობაში მყოფი სამგურალი ბევრს უტევდა და 82-ე წუთზე ბრაზილიელმა მცველმა პაბულუ რიანმა თავურით გაიტანა.

დარჩენილ დროში ანგარიში აღარ შეცვლილა…