გაიმართა კრისტალბეთ ეროვნული ლიგის 28-ე ტურის დარჩენილი ორი მატჩი. შეიცვალა ლიდერიც და ახლა ცხრილის თავში ერთი გუნდია.
დინამო (ბთ)-დინამო (თბ) 1:0
ბათუმი. ბათუმი არენა
1:0 მაურიდესი (44)
ცხრილიდან გამომდინარე, ექვსქულიანს რომ ეძახიან, ასეთი მნიშვნელობის თამაში იყო, ამიტომაც საკმაოდ ბევრი გულშემატკივარი დაესწრო.
ერთადერთი გოლი პირველი ტაიმის ბოლოს გავიდა. ულად-ომარ იმრანმა ჩააწოდა და მაურიდესმა ერთი შეხებით ზუსტად დაარტყა. ბრაზილიელმა მაურიდესმა ბრაზილიელ ლუკას ფლორესს გაუტანა.
არადა, გოლამდე ფლორესმა რთული ბურთი აუღო მაურიდესს. შეტევა გაგრძელდა და ფორვარდმა მაინც გაიტანა.
ზოგადად, დინამო თბილისის მეკარემ სამი რთული ბურთი მოიგერია. შანსები ორივე გუნდს ჰქონდა. თბილისელთა შემტევი მაქსიმ ტეიშეირა პირისპირ დარჩა, მაგრამ კარგად ვერ დაარტყა და ნოდარ ყალიჩავამ მოიგერია ბურთი, დამატებაზე კი გბომადუმ ააცილა.
სამგურალი-გაგრა 3:0
წყალტუბო. 26 მაისი
1:0 ბიძინაშვილი (7); 2:0 გაფრინდაშვილი (46); სებოლინია (88)
სამგურალმა ოთხმატჩიანი წაგებების სერია შეწყვიტა და გაგრას დამაჯერებლად მოუგო.
სწრაფი გოლი გავიდა: ირაკლი ბიძინაშვილმა ხანგრძლივ შეტევას ძლიერი დარტყმა მიაყოლა – 1:0; მეორე ტაიმი ახალი დაწყებული იყო, როცა ბიძინაშვილის პასით თორნიკე გაფრინდაშვილმა გაიტანა; მესამე გოლი კი ბოლო წუთებზე ვნახეთ: ლაშა შერგელაშვილმა კუთხური ჩააწოდა და კლაუდიო სებოლინიამ ეფექტური თავურით ანგარიში 3:0 გახადა.
სატურნირო ცხრილი:
1.დინამო (ბთ) 28 14 8 6 49-36 50
2.რუსთავი 28 14 7 7 35-24 49
3.იბერია 28 15 4 9 40-31 49
4.დინამო (თბ) 28 13 9 6 45-31 48
5.დილა 28 12 4 12 39-33 40
6.ტორპედო 28 9 10 9 46-37 37
7.სამგურალი 28 10 5 13 41-52 35
8.გაგრა 28 6 11 11 25-40 29
9.სპაერი 28 5 11 12 37-46 26
10.მეშახტე 28 2 11 15 21-46 17
