“შესანიშნავი ადამიანია, ვარჯიშებზე ჩანს, რომ…” – დონარუმა კვარაცხელიაზე

პარიზული გრანდის – პსჟ-ს მეკარემ, ჯანლუიჯი დონარუმამ, იუთუბ-შოუ Viva El Futbol-ის ეთერში ხვიჩა კვარაცხელიას შესახებ ემოციური კომენტარი გააკეთა.

დონარუმას თქმით, ხვიჩასთან მას წინასწარ ჰქონია კომუნიკაცია, ვიდრე ქართველ ფეხბურთელს პსჟ-ში გადასვლის იდეა სერიოზულად დაესახებოდა. იტალიელმა აღნიშნა, რომ მას გულით სურდა, საჭიროების შემთხვევაში კვარაცხელიას დახმარებოდა:

“ხვიჩა შესანიშნავი ადამიანია. სანამ პარიზში გადმოვიდოდა, მასთან ვისაუბრე და ვუთხარი, რომ ნებისმიერ საკითხში, თუკი რაიმე დასჭირდებოდა, ჩემთან შეიძლებოდა მოემართა. მზად ვიყავი დახმარებისთვის”, – განაცხადა დონარუმამ.

იგივე ინტერვიუში დონარუმა იხსენებს ერთ სახალისო ეპიზოდს, როდესაც ხვიჩასთან ნეაპოლურ დიალექტზე საუბარი სცადა:

“ნეაპოლურად ველაპარაკე და გაკვირვებულმა მკითხა: ‘შენ ნეაპოლიტანელი ხარ?’”

დასასრულ, დონარუმამ ქართველი ვარსკვლავის პროფესიონალიზმზეც გაამახვილა ყურადღება:

“ვარჯიშებზე ჩანს, რომ კვარაცხელიას სათამაშო კლასი ბევრად მაღლა დგას. მას უდიდესი პოტენციალი აქვს.”