უმცროსი ბორჯღალოსნები სამხრეთ აფრიკის 20-წლამდელთა საერთაშორისო სერიის მეორე შეხვედრას ხვალ, საქართველოს დამოუკიდებლობის დღეს, 26 მაისს ჩილეს წინააღმდეგ გამართავს.
სერიის პირველ მატჩში უმცროსმა ბორჯღალოსნებმა ფიჯი დაძაბულ ბრძოლაში, 29:23 დაამარცხა. მიუხედავად ამისა, მომავალი შეხვედრისთვის საქართველოს ნაკრების სამწვრთნელო შტაბმა, სასტარტო შემადგენლობაში რვა ცვლილება განახორციელა.
ფიჯისთან არ უთამაშიათ და ჩილესთან თამაშს იწყებენ ფრთა საბა ნატროშვილი, ჰავბეკი დავით წიკლაური, ბურჯი ლუკა იასეშვილი, კვაჭი ნიკოლოზ ღარიბაშვილი და შერკინების შემკვრელი ირაკლი ყოლბაია. მარქაფიდან სასტარტოში დაწინაურდნენ ფულბეკი ნიკა ხალვაში, ცენტრი დემეტრე დევდარიანი და მეორეხაზელი თორნიკე ტორაძე.
დამწყებთა შორის ადგილი შეინარჩუნეს ფრთა ავთანდილ ზვიადაძემ, ცენტრმა ლეონიდე სალდაძემ, მგეზავმა მათე მახარაძემ, ბურჯმა ლევან ეზიეშვილმა, მეორეხაზელმა ნიკოლოზ ჩხორთოლიამ, მესამეხაზელებმა – გიორგი ზაზაძემ და გუნდის კაპიტანმა ლუკა ნარსიამ.
ფიჯისთან მატჩის მსგავსად მარქაფაში არიან პირველხაზელები გიორგი აღნიაშვილი, დაჩი ჭელიძე და გაბრიელ რაზმაძე, ასევე ჰავბეკი გოგა უშვერიძე. სასტარტოში იყვნენ და ამჯერად თამაშს მარქაფიდან იწყებენ მხტომელი გიორგი მეფარიშვილი, მესამეხაზელი გიორგი არძენაძე, ცენტრი დათა ახვლედიანი და ფულბეკი დათა არობელიძე.
ჩილემ, რომელსაც მსოფლიო რაგბის 20-წლამდელთა ჩემპიონატზე არასდროს უთამაშია, სერიის ფარგლებში პირველი შეხვედრა მასპინძელ სამხრეთ აფრიკასთან გამართა და 0:97 დამარცხდა.
საქართველოს ნაკრების შემადგენლობა
ხაზი: ნიკა ხალვაში, ავთანდილ ზვიადაძე, ლეონიდე სალდაძე, დემეტრე დევდარიანი, საბა ნატროშვილი, მათე მახარაძე, დავით წიკლაური;
შერკინება: ლუკა იასეშვილი, ნიკოლოზ ღარიბაშვილი, ლევან ეზიეშვილი, თორნიკე ტორაძე, ნიკოლოზ ჩხორთოლია, გიორგი ზაზაძე, ლუკა ნარსია, ირაკლი ყოლბაია;
მარქაფა: გიორგი აღნიაშვილი, დაჩი ჭელიძე, გაბრიელ რაზმაძე, გიორგი მეფარიშვილი, გიორგი არძენაძე; გოგა უშვერიძე, დათა ახვლედიანი, დათა არობელიძე.
