სერგი ჩხაიძე: გვაქვს ამბიცია, ჩემპიონობისთვის ვიბრძოლოთ

ზაფხულის მოახლოებასთან ერთად, 7-კაცა რაგბის სეზონიც იწყება. 13-15 ივნისის ჩათვლით, საქართველოს 7-კაცა რაგბის ნაკრები რაგბი ევროპის ჩემპიონატის პირველ ეტაპს ითამაშებს. ტურნირის პირველი ეტაპი ხორვატიის საკურორტო ქალაქ მაკარსკაში გაიმართება.

ჩვენი  გუნდი, ბესიკ ხამაშურიძის და გია ლაბაძის ხელმძღვანელობით, შევარდენის სანაკრებო ბაზაზე ემზადება. როგორი მოლოდინებია ტურნირის წინ და რა უნდა ელოდოს ქართული რაგბის გულშემატკივარი 7-კაცა ნაკრებისგან, ამ საკითხზე  ნაკრების ერთ-ერთ ლიდერ სერგი ჩხაიძეს ვესაუბრეთ.

“ბათუმთან ჩემპიონი გავხდი და უკვე სრულად 7-კაცა ნაკრებზე ვარ კონცენტრირებული. სამწუხაროდ, მსოფლიო ჩელენჯერის სერია ჩაგვივარდა და გვსურს  ევროპის ჩემპიონატზე წარმატებით  ვიასპარეზოთ. ჩემი აზრით, ჩვენს ნაკრებს აქვს აქვს იმის პოტენციალი, რომ  ამ ტურნირზე ჩემპიონობისთვის ვიბრძოლოთ.” – გვითხრა სერგი ჩხაიძემ

შეგახსენებთ, საქართველოს 7-კაცა ნაკრებმა შარშანდელ რაგბი ევროპის ჩემპიონატზე  მესამე ადგილი დაიკავა და მსოფლიო  სერიის ჩელენჯერის საგზური მოიპოვა.