იბერიას სავარაუდო მეტოქეები ჩემპიონთა ლიგის პირველ ეტაპზე ცნობილია

საქართველოს ჩემპიონი “იბერია 1999” უეფას ჩემპიონთა ლიგის 2025/26 წლების სეზონის პირველ საკვალიფიკაციო ეტაპზე იასპარეზებს. დღეს განთესილი გუნდების სრული სია გახდა ცნობილი, რაც იმას ნიშნავს, რომ უკვე შეგვიძლია ვივარაუდოთ, თუ ვის შეხვდება იბერია.

უეფა წილისყრის წინ, გუნდებს ტრადიციულად რეგიონული პრინციპით დაყოფს, რაც ნიშნავს, რომ “იბერიას” პოტენციური მეტოქეთა სია სავარაუდოდ შემცირდება. წილისყრა 17 ივნისს გაიმართება, ხოლო თამაშები 8/9 და 15/16 ივლისს ჩატარდება.

პირველ ეტაპზე იბერიას არ აქვს განთესვის სტატუსი, ამიტომ მისი მეტოქე ამ გუნდებიდან იქნება:

“ლუდოგორეცი” (ბულგარეთი)

FCSB (რუმინეთი)

“ოლიმპია” (სლოვენია)

“მალმიო” (შვედეთი)

“ჟალგირისი” (ლიეტუვა)

RFS (ლატვია)

“კუპს” (ფინეთი)

“ლინკოლნი” (გიბრალტარი)

“ნიუ სეინტსი” (უელსი)

“დრიტა” (კოსოვო)

“ბრეიდაბლიკი” (ისლანდია)

“ლინფილდი” (ჩრდილოეთ ირლანდია)

“ბუდუჩნოსტი” (მონტენეგრო)

ბოსნიის ჩემპიონი (ზრინსკი ან ბორაცი – დარჩენილია 2 ტური, ზრინსკი 4 ქულით ლიდერობს)

თუ “იბერია” პირველ რაუნდს გადალახავს, გუნდი მინიმუმ კონფერენსლიგის პლეი ოფს მიაღწევს. დამარცხების შემთხვევაში კი ევროპული გზა კონფერენსლიგის მეორე საკვალიფიკაციო ეტაპზე გაგრძელდება.