კვარაცხელია კიდევ ერთი ტიტულისთვის იბრძოლებს

დღეს, ხვიჩა კვარაცხელიას პსჟ ევროპის სუპერთასის მატჩში ბირმინგემის ასტონ ვილას დაუპირისპირდება.
უეფას ჩემპიონთა ლიგის ტრიუმფატორისა და ევროპა ლიგის გამარჯვებულის დაპირისპირება ზალცბურგის ,,რედ ბულ არენაზე” შედგება.
მატჩი 23:00 საათზე დაიწყება.

პსჟ და ასტონ ვილა ერთმანეთს 2025 წლის ჩემპიონთა ლიგის  მეოთხედფინალში შეხვდნენ.
პირველი მატჩი მომავალმა ჩემპიონებმა შინ, 3:1 მოიგეს, ბირმინგემში კი 3:2 წააგეს
პარიზში გამართულ შეხვედრაში ერთი ᲒᲝᲚᲘ ხვიჩა კვარაცხელიამ გაიტანა.
ამ ორი მატჩის გარდა ეს გუნდები სხვა დროს ერთმანეთს არ შეხვედრიან.

პსჟ და ასტონ ვილა სუპერთასის მეორედ მოგებას შეეცდებიან.
პსჟ სუპერთასის მოქმედი გამარჯვებულია. პარიზელებმა გასულ წელს ლონდონის ტოტენჰემი პენალტების სერიაში დაამარცხეს. იმ მატჩის ძირითადი და დამატებითი დრო ფრედ 2:2 დასრულდა. ასტონ ვილას კი სუპერთასი შორეულ 1982 წელს აქვს მოპოვებული.

საქართველოს ეროვნული ნაკრების კაპიტანი ხვიჩა კვარაცხელია დღევანდელ მატჩს დიდი ალბათობით, სასტარტო შემადგენლობაში დაიწყებს.

ავტორი: კახა მიხანაშვილი.