“ეს არც წარმომიდგენია”, – მიქაუტაძის მკაფიო განცხადება თავის მომავალზე

ლიგა 1-ში დარჩენის საკითხის მოგვარებასთან ერთად ლიონმა წინასასეზონო შეკრება დაიწყო. ფრანგული გუნდი ბელგიურ მოლენბეკს დაუპირისპირდა და უგოლო ფრეს დასჯერდა.

მოედანზე იყო გიორგი მიქაუტაძეც, რომელსაც კოჭის მცირე დაზიანება აწუხებდა, თუმცა მისი მოშუშება შეძლო. მატჩის შემდგომ კი ქართველმა ფორვარდმა ჩატარებული მატჩის გარდა თავის მომავალზე ისაუბრა:

“კარგად ვარ, ოდნავ კოჭი მაწუხებდა და მიხარია, რომ მოვირჩინე. დღეს მეტოქე ჩვენზე უკეთ გამოიყურებოდა, ისინი კარგად იყვნენ მომზადებულნი. გუნდში ბევრი ახალგაზრდა ფეხბურთელი გვყავს და ჩვენი მოვალეობაა, მათ დავეხმაროთ. შესათამაშებლად ჯერ კიდევ ბევრი დრო გვაქვს, ჩემს გარშემო მყოფ ახალგაზრდა ფეხბურთელებს ბევრს ვესაუბრები.

კლუბის დატოვება არ წარმომიდგენია. ლიონთან კონტრაქტი 2028-წლამდე მაქვს. აქ იმისთვის მოვედი, რომ გოლები გავიტანო და ლიონს ტიტულების მოგებაში დავეხმარო”, – განაცხადა მიქაუტაძემ.