“იბერიას არაფერს ვაჩუქებთ” – ლევადიას მწვრთნელი

უეფას კონფერენს ლიგის მეორე საკვალიფიკაციო ეტაპის განმეორებითი მატჩის წინ, ესტონური ლევადიას მთავარი მწვრთნელი კურო ტორესი მედიის წინაშე წარსდგა და მოახლოებულ შეხვედრაზე ისაუბრა.

„არ ვთვლი, რომ პირველ მატჩში გამარჯვება უბრალოდ იღბლის დამსახურება იყო. მეორე ტაიმში თამაშში ვითამაშეთ და საბოლოოდ გატანილი გოლი ლოგიკური შედეგი იყო. იბერიამ რამდენიმე მომენტი ჩვენი შეცდომების შედეგად შექმნა, მაგრამ საერთო ჯამში დაცვაში კარგად ვიმუშავეთ.

თამაში 1:0 დასრულდა, თუმცა ჩვენთვის ეს არაფერს ცვლის – წინ კიდევ 90 წუთია და არ ვაპირებთ გაჩერებას. ბოლომდე ვიბრძოლებთ. ჩვენი მთავარი მიზანია, ყურადღება არ გაგვფანტოს. ერთი მცდარ ნაბიჯს სერიოზული ფასი შეიძლება ჰქონდეს. იბერია ძალიან მებრძოლი გუნდია და შესაბამისად, ტაქტიკურად ცვლილებებს არ ვგეგმავთ. რაც გვქონდა, იმ სტრატეგიით გავალთ მინდორზე, თუმცა მიზანი იქნება წინა შეხვედრის დროს დაშვებული შეცდომების გამოსწორება,“ – განაცხადა ესპანელმა სპეციალისტმა.

მისი თქმით, გუნდში ყველა აცნობიერებს, რომ პირველი მატჩის ანალიზი აუცილებელია და სწორედ ამას ემზადებიან:

„ჩემი აზრით, წინა თამაშში დაშვებული შეცდომები ინდივიდუალური არ იყო – ეს იყო კოლექტიური ხარვეზი. ამაზე ვიმუშავებთ და ვეცდებით, რომ განმეორებით შეხვედრაში იგივე აღარ განმეორდეს.“

ლევადიასა და იბერია 1999-ს შორის საპასუხო დაპირისპირება თბილისში გაიმართება. შეგახსენებთ, პირველი მატჩი ტალინში ესტონელებმა მინიმალური ანგარიშით – 1:0 მოიგეს.