მზადება დაწყებულია – წინ ორი ჯახია

სექტემბრის სანაკრებო ციებ-ცხელება ავად თუ კარგად დასრუდა და ფეხბურთელებმაც საკუთარ კლუბებს მიაშურეს, თუმცა შემოდგომის პირველ თვეში კიდევ ერთი მნიშვნელოვანი ამბავი გველის – პლეი-ოფის მატჩები ფუტზალში.

ევროპის ჩემპიონატის საკვალიფიკაციო ეტაპის პლეი-ოფში ჩვენი ფუტზალის გუნდი ორ მატჩიან დუელში სლოვაკეთს დაუპირისპირდება. პირველი მატჩი 18 სექტემბერს 20:00 საათზე თბილისის ოლიმპიურ სასახლეში გაიმართება, ხოლო განმეორებითი ბრატისლავაში ხუთი დღის შემდეგ.

ამ უმნიშვნელოვანესი მატჩებისთვის ნაკრებმა  მზადება უკვე დაიწყო. მთავარი მწვრთნელის ავთანდილ ასათიანის განკარგულებაში 15 ფეხბურთელია, მათ შორის ერთი დებიუტანტი – გიორგი ხაბალაევი, რომელიც პსპ-ს შემტევია.

საქართველოს ფუტზალის ნაკრები სლოვაკებთან მატჩებისთვის შემდეგი ფეხბურთელებით ემზადება:

მეკარეები: თორნიკე ბუკია (ნიუ-ვიჟენ ჯორჯიანსი), ბექა ტყემალაძე (ნიუ-ვიჟენ ჯორჯიანსი), ლუკა ხარშილაძე (ისტიკლოლი, ტაჯიკეთი)

წინა ხაზი: ლევან სვანიძე (პსპ), გიორგი ჩიმაკაძე (კსუ), ვახტანგ კეკელია (ნიუ-ვიჟენ ჯორჯიანსი), არჩილ სებისკვერაძე (კსუ), ირაკლი თოდუა (ნიუ-ვიჟენ ჯორჯიანსი), ვახტანგ ჯვარაშვილი (ნიუ-ვიჟენ ჟორჯიანსი), ნიკა ხარატიშვილი (ისტიკლოლი, ტაჯიკეთი), ნიკოლოზ გაბრიჩიძე (ნიუ-ვიჟენ ჯორჯიანსი), ნუკრი ჭუმბურიძე (ნიუ-ვიჟენ ჯორჯიანსი), საბა ტყეშელაშვილი (ნიუ-ვიჟენ ჯორჯიანსი), გიორგი ხაბალაევი (პსპ), ნიკოლოს კურტანიძე (პსპ), გიორგი ღავთაძე (ტიუმენი, რუსეთი), შოთა თოფურია (ნიუ-ვიჟენ ჯორჯიანსი).