მინდა, სხვებისთვის მაგალითი ვიყო – საბა გოგლიჩიძე

საქართველოს ეროვნული ნაკრების ცენტრალურმა მცველმა, საბა გოგლიჩიძემ კარიერა იტალიურ უდინეზეში გააგრძელა. ახალგაზრდა ფეხბურთელი გახდა უდინეზეს ისტორიაში პირველი ქართველი მოთამაშე და ეს მისთვის როგორც სპორტულ, ასევე ემოციურ მოვლენას წარმოადგენს.

„უდიდესი პასუხისმგებლობაა, როცა გუნდში პირველი ქართველი ხარ. მინდა, ჩემი თამაში მაგალითი იყოს სხვებისთვი და ყველაფერი გავაკეთო, რომ საქართველოსა და ჩვენი დროშის ღირსეულად წარმოსაჩენად შევძლო,” – განაცხადა გოგლიჩიძემ.

შეგახსენებთ, 21 წლის მცველმა 2024 წლის დასაწყისში დატოვა ქუთაისის ტორპედო და კარიერა სერია A-ს კლუბ ემპოლიში გააგრძელა, სადაც ერთ სეზონში 36 მატჩში მიიღო მონაწილეობა და ერთი საგოლე პასიც მიითვალა. წარმატებული სეზონის შემდეგ, მის მიმართ ინტერესი გაიზარდა და საბოლოოდ, უდინეზემ 4 მილიონ ევროდ გადაიბირა.

გოგლიჩიძემ იტალიურ კლუბთან 5-წლიანი კონტრაქტი გააფორმა და უკვე შეუდგა ახალ გუნდთან ადაპტაციას.