ხვიჩა მრავალმხრივი ფეხბურთელია – ფრანგი ლეგენდა 

ფრანგული ფეხბურთის ცოცხალმა ლეგენდამ, მარსელ დესაიმ, ინტერვიუში ლუის ენრიკესა და ხვიჩა კვარაცხელიას მიმართ საქებარი სიტყვები არ დაიშურა და ისინი პსჟ-ის წარმატების მთავარ მამოძრავებლად დაასახელა.

“თუ ვინმეს ჰგონია, რომ ადვილია ისეთი დონის ფეხბურთელის გარეშე დარჩენა, როგორიც მბაპეა, რომელმაც პარიზში ბოლო სეზონში 44 გოლის გატანა შეძლო, ძალიან ცდება. ამ სირთულის ფონზე, ლუის ენრიკემ რა გააკეთა? ახალგაზრდა ტალანტებს მისცა შანსი.

ვგულისხმობ ბრედლი ბარკოლას, დეზირე დუესა და ხვიჩა კვარაცხელიას, რომელიც როგორც ჩანს, ლუჩოს მსგავსად, ამ გუნდში რაღაც გამორჩეულს სთავაზობს.

თუ ადრე კვარას მხოლოდ მარცხენა ფლანგზე მოქმედ ფეხბურთელად მივიჩნევდით მათ შორის მეც, პსჟ-ში დაგვარწმუნა, რომ საჭიროების შემთხვევაში შეუძლია მარჯვენა ფრთაზეც გააგრძელოს თამაში, დაცვაშიც ჩაერთოს და 90 წუთის განმავლობაში უპრობლემოდ დაფაროს 13 კილომეტრი”, – განაცხადა დესაიმ.