ორი დებიუტანტით ჰამბურგში

საქართველოს 7-კაცა მორაგბეთა ნაკრები რაგბი ევროპის  ჩემპიონატის მეორე ეტაპისთვის ემზადება. ჩვენი გუნდი მეორე ეტაპზე ჰაბურგში 27-29 ივნისის ჩათვლით ითამაშებს.

პირველი ეტაპისგან განსვავებით მწვრთნელებმა  სატურნირო განაცხადში რამდენიმე ცვლილება განახორციელეს. ოთხწლიანი პაუზის შემდეგ ნაკრებს რევაზ ხარაზიშვილი უბრუნდება.  ასევე, მაკარსკას ეტაპისგან განსხვავებით, ჰამბურგში იქნება გიორგი ჯობავა. გვეყოლება ორი დებიუტანტიც, ლელოს მორაგბეები – გიორგი ხუროშვილი და გიორგი ჩიქოვანი.

საქართველოს ნაკრების შემადგენლობა ჰამბურგის ეტაპზე:  ნიკოლოზ რეხვიაშვილი (ყოჩები),  ლუკა ალიბეგაშვილი (ყაზბეგი), ლევან ნარიმანიძე (ხარები), გიორგი ხუროშვილი (ლელო), იოსებ მათიაშვილი (ყოჩები), სანდრო დარძულიძე (ლელო), რევაზ ხარაზიშვილი (არმია), ვაჟა მიქაძე (ბათუმი) , დავით იმნაძე (ყაზბეგი), სერგი ჩხაიძე (ბათუმი), გაგა ქევხიშვილი (ლელო), გიორგი ჯობავა (ხვამლი), გიორგი ჩიქოვანი (ლელო)

ჰამბურგში საქართველოს  ნაკრები A ჯგუფში მოხვდა, სადაც მეტოქეები: საფრანგეთი, იტალია იქნებიან. ირლანდიის ნაკრებთან კი, ტექნიკური   მოგება 28:0 ჩაეთვალა.

შეგახსენებთ, პირველ ეტაპზე, რომელსაც მაკარსკამ უმასპინძლა. გია ლაბაძის და ბესიკ ხამაშურიძის გაწვრთნილმა გუნდმა მეშვიდე ადგილი დაიკავა.