სამხრეთ კორეამ მუნდიალზე ჩეხეთს აჯობა

A ჯგუფის მეორე მატჩის პირველი ტაიმი არცთუ სანახაობრივი გამოდგა და შესვენებამდე კარში მხოლოდ ერთი დარტყმა ვნახეთ და სამხრეთ კორეამ მოახერხა, რომელიც ჩეხეთზე აქტიურად გამოიყურებოდა.

აი, მეორე ტაიმი კი, უფროთავლსასეირო გამოდგა და სამი გოლიც გავიდა.

ანგარიში ჩეხებმა გახსნეს. გოლი ნამუშევარი ჩანდა, მომზადებული და დამუშავებული – ვლადიმირ ცოუფალმა აუტიდან ბურთი საჯარიმოში ჩააგდო, იქ ლადისლავ კრეიჩმა შეირბინა და…

სამხრეთ კორეა არ გატყდა და ჰვან ინ ბომმა ანგარიში მალევე გაათანაბრა. გოლი კარგი გამოვიდა – ორი მცველი და მეკარე ერთი მოძრაობით გააბითურა და მოხდენილად გაიტანა.

მატჩის ბედი მე-80 წუთზე გადაწყდა. კორელებმა შეტევა მარჯვენა ფლანგზე დაიწყეს, რასაც საჯარიმოში პასი და ოჰ ჰიონ გიუს გოლი მოჰყვა.

მთლიანობაში სამხრეთ კორეა მეტოქეზე უკეთ გამოიყურებოდა და დამსახურებულადაც გაიმარჯვა.

რა ხდება A ჯგუფში? მექსიკასა და სამხრეთ კორრეას 3-3 ქულა აქვთ, ჩეხეთი და სამხრეთ აფრიკა უქულოდ არიან. თუმცა, გადაჭრით ვერავინ ვერაფერს იტყვის. წინ საკმაოდ საინტერესო ბრძოლებია მოსალოდნელი.