საქართველომ საბერძნეთთან ექსპერიმენტულად წააგო

საქართველოს ნაკრებმა ევროპის ჩემპიონატზე მესამე მატჩი გამართა და მეორედ წააგო. ალეკსანდრ ჯიკიჩის გუნდი ამჯერად ბერძნებთან დამარცხდა 53:94.

უნდა ითქვას, რომ ჩვენი ნაკრების მთავარი მწვრთნელი ამ მატჩის მოგებას თავიდანვე არ გეგმავდა. სერბმა სპეციალისტმა გოგა ბითაძე თავიდანვე დაასვენა, ხოლო ლიდერებს ბევრად ნაკლები დრო დაუთმო და აქცენტი დარჩენილ თამაშებზე გააკეთა. აქედან გამომდინარე, დიდი ანგარიშით მარცხი გასაკვირიც არ ყოფილა.

ჩვენს გუნდს ევროპის ჩემპიონატის ჯგუფურ ეტაპზე ორი მატჩი დარჩა ჩასატარებელი – კვიპროსთან (2 სექტემბერი) და ბოსნიასთან (4 სექტემბერი). ორივე მოსაგებია, რათა ფლეი ოფში შედარებით უკეთესი ადგილით გავიდეთ.

ანდრონიკაშვილი, მამუკელაშვილი (14ქ), ჯინჭარაძე (2ქ), ბურჯანაძე (2ქ), შერმადინი (11ქ, 7მ), სანაძე (11ქ), კორსანტია (8ქ), ფევაძე, შენგელია (2ქ), ბითაძე, ბოლდუინი (3ქ), ოჩხიკიძე