13 აგვისტოდან საქართველოს ნაკრები მზადებას 2027 წლის მსოფლიო ჩემპიონატის საკვალიფიკაციო ეტაპის მეორე ჯგუფური ეტაპისთვის იწყებს. შეგახსენებთ, 28 აგვისტოს ალეკსანდარ ჯიკიჩის გუნდი თბილისში მონტენეგროს უმასპინძლებს, ხოლო 31 აგვისტოს პორტუგალიას ესტუმრება.
მოახლოებული მატჩებისთვის ჯიკიჩმა, 15 კალათბურთელი დაასახელა, საიდანაც სათამაშო განაცხადში 12 მოხვდება. საქართველოს ნაკრები საწვრთნელ შეკრებას სრულად თბილისში გაივლის და ოფიციალურ მატჩებამდე ორჯერ ამხანაგურად ითამაშებს.
პირველი სპარინგ-მატჩი 19 აგვისტოს, ოთარ ქორქიასა და ნოდარ ჯორჯიკიას სახელობის სპორტის სასახლეში ლიბანთა გაიმართება, რომელიც დახურული იქნება. ეს ნიშნავს, რომ არც მაყურებელი დაესწრება და არც ტელეტრანსლირება იგეგმება. მეორედ საქართველო ისრაელს დაუპირისპირდება. ეს თამაში უკვე ღია იქნება და ბილეთების გაყიდვაც დაწყებულია.
ამის შემდეგ გუნდს მონტენეგროსთან მატჩამდე მოსამზადებლად ხუთი დღე ექნება.
ეროვნულ გუნდში ახალი სახეები არ არიან. წინა ფანჯრისგან განსხვავებით, ამჯერად ნაკრებს სანდრო მამუკელაშვილიც დაეხმარება, რომელიც ამერიკის შეერთებულ შტატებში იმყოფებოდა, სადაც ლოს-ანჯელეს ლეიკერსთან ოთხწლიანი კონტრაქტი გააფორმა.
ჯიკიჩის რჩეული 15 კალათბურთელის სია ასე გამოიყურება:
მარკის რიდი, რატი ანდრონიკაშვილი, გიორგი ოჩხიკიძე, დუდა სანაძე, გიორგი კობახიძე, კახაბერ ჯინჭარაძე, ალექსანდრე ფევაძე, ალექსანდრე მამუკელაშვილი, თორნიკე შენგელია, ბექა ბურჯანაძე, გიორგი კორსანტია, ალექსანდრე მერკვილაძე, გიორგი ტურძილაძე, ვილი ისიანი, გოგა ბითაძე.
საქართველოს ნაკრები მეორე ჯგუფურ ეტაპს მონტენეგროსა და პორტუგალიასთან მატჩებით კი იწყებს, მაგრამ სულ ექვს მატჩს გამართავს. მესამე მეტოქედ საქართველოს საბერძნეთი ერგო. ამ დროისთვის სატურნირო ცხრილი ასე გამოიყურება: ესპანეთი (5-1), მონტენეგრო (4-2), საქართველოს, უკრაინა, საბერძნეთი (3-3), პორტუგალია (2-4).
