სიგუას ბაზელიდან უშვებენ?! – მიზეზი ცნობილია

გაბრიელ სიგუა 2023 წელს თბილისის დინამოდან შვეიცარიულ ბაზელს შეუერთდა, თუმცა მისი იქაური კარიერა კარგად ვერ აეწყო.

ახალგაზრდა ქართველი შემტევი ნახევარმცველი ბაზელში დიდი სათამაშო დროით განებივრებული არაა, ხოლო უახლესი ინფორმაციით, სულაც გაშვების ერთ-ერთი კანდიდატია.

ახალ სეზონში სიგუას სათამაშო დრო ნულამდეა დაყვანილი. შვეიცარიის ჩემპიონატის ოთხი ტურიდან სამში სიგუა განაცხადში იყო, ბოლო მატჩში კი იქაც ვერ მოხვდა. ეს ყველაფერი გაბრიელის წასვლის შანსებს ზრდის.

საქმე ისაა, რომ შვეიცარიის ჩემპიონატში ლეგიონერებზე კვოტაა. ბაზელი აპირებს, რომ გუნდის შემადგენლობა რამდენიმე ლეგიონერით გააძლიეროს, ამისთვის კი ამჟამად არსებული უცხოელი ფეხბურთელებიდან რამდენიმეს უნდა შეელიოს. კანდიდატებს შორის ერთ-ერთი მოწინავე კი სწორედ ქართველი ფეხბურთელია.

ჯერჯერობით, უცნობია, არის თუ არა რომელიმე გუნდი სიგუას შეძენით დაინტერესებული, თუმცა ერთი რამ ცხადია – ქართველის პრიორიტეტი სათამაშო პრაქტიკა უნდა იყოს, რომელსაც ბაზელში ნამდვილად უჩიოდა.