ტოჩინოშინამდე ჯერ შორია – მედლები მსოფლიოდან

ბუმი იყოო ნამდვილად ვერ ვიტყვით, თუმცა ერთი ხანობა საქართველოში სუმოსადმი ინტერესი გაზრდილი რომ იყო ალბათ დაგვეთანხმებით. ამის მიზეზი კი ლევან გორგაძე იგივე ტოჩინოშინი გახლდათ, რომელიც ოძეკის წოდებას ატარებდა, ხოლო 2018 წელს ნაცუ ბაშოც მოიგო და საიმპერატორო თასის მფლობელი გახდა.

მას შემდეგ ბევრმა წყალმა ჩაიარა და სპორტის ამ სახეობისადმიც ინტერესი თითქოს მინელდა, რადგან ტოჩინოშინის მსგავსი ან თუნდა მასთან მიახლოებული სუმოისტი აღარ გამოჩენილა.

ეს შესავალი კი იმად დაგვჭირდა, რომ ახლახანს ტაილანდში სუმოში მსოფლიოს ჩემპიონატი გაიმართა, სადაც წარმატებით იასპარეზეს ქართველმა სპორტსმენებმა. ეროვნულმა და ასაკობრივმა ნაკრებებმა ჯამში ოთხი, სამი ვერცხლის და ერთი ბრინჯაოს მედალი მოიპოვეს.

სენიორებს შორის კვარლცხბეკის უმაღლეს საფეხურზე ლაშა ჯელაძე (+115კგ) ავიდა, ხოლო გუნდურ დაპირისპირებაში საქართველო ვერცხლის მედალს დაესაკუთრა, ფინალში წააგო რა იაპონიის ძლიერ ნაკრებთან.

რაც შეეხებათ 18 წლამდე სუმოისტებს აქ თავი დავით აბალაკმა (+100კგ) და ავთო ლიკლიკაძემ (80კგ) გამოიჩინეს, რომლებმაც შესაბამისად ვერცხლის და ბრინჯაოს მედლები მოიპოვეს.