შერმადინი მესამეა – ვიცე-კაპიტანმა მარკოიშვილს გადაასწრო

მიმდინარე ევროპის ჩემპიონატზე გიორგი შერმადინმა ჯამში 21 ქულა დააგროვა და კონტინენტის პირველობაზე ჩაგდებული ქულების რაოდენობით მესამე ადგილზე გადაინაცვლა.

ამ დროისთვის ნაკრების ვიცე-კაპიტანს 248 ქულა აქვს ჩაგდებული და მეოთხე ადგილზე მანუჩარ მარკოიშვილი (246) ჩააჩოჩა.

შეგახსენებთ, შერმადინის ქულების მონაგარს ევროპირველობაზე: ესპანეთთან (4), იტალიასთან (0), საბერძნეთთან (11), კვიპროსთან (6).

ევროპირველობაზე ქართველებიდან ყველაზე მეტი ოთარ ქორქიას (357) ჩაუგდია. ეს საბჭოთა კავშირის ნაკრებში თამაშისას. შენგელიამ საკუთარ მონაგარს 42 ქულა შემატა და 299 გაუხდა. შემდეგ მოდიან ზემოთ ნახსენები შერმადინი და მარკოიშვილი, ხოლო ხუთეულს საქართველოს ვიქტორ სანიკიძე ხურავს – 220.

ათეულში ასევე შედიან: ზაზა ფაჩულია – 216; ზურაბ საკანდელიძე – 201; დუდა სანაძე – 189, ვინაც კვიპროსში გაასწრო გიორგი ცინცაძეს – 170; მეათე ადგილზე კი, მიხეილ ქორქიაა – 129.