ჩემპიონი მხოლოდ ქაღალდზე – იბერია ევროთასებს გამოეთიშა

საქართველოს ჩემპიონი უშანსოდ გამოვარდა ჩემპიონთა ლიგის პირველივე ეტაპზე, ახლა კი იმავე ბედი კონფერენსლიგაშიც გაიზიარა ესტონურ ლევადიასთან ბრძოლაში.

განმეორებით მატჩში ლევან კორღალიძის გუნდმა ძირითადი დრო 2:1 მოიგო, თუმცა პირველი მატჩის 0:1 მარცხის ფონზე, ჯამში ანგარიშმა 2:2 შეადგინა და შეხვედრა დამატებით დროში გადავიდა. იქ კი გადამწყვეტი გოლი ესტონელებმა გაიტანეს და შედეგად, იბერია 1999 ევროთასებზე ხელცარიელი დარჩა.

შეხვედრა იბერიას დიდი აქტიურობით დაიწყო. უკვე მე-6 წუთზე გიორგი ძაგანიამ სახიფათოდ დაარტყა ქუსლით და ბურთი ძელს მოხვდა. 41-ე წუთზე უპირატესობა გოლადაც გარდაისახა, გიორგი ტაბატაძის ჩაწოდების შემდეგ გურამ გოშთელიანმა თავური დარტყმით ანგარიში გახსნა – 1:0.

მეორე ტაიმის დაწყებისთანავე კურო ტორესმა ცვლილება გააკეთა. მოედანზე გამოჩნდა მისი 19 წლის შვილი კარლოს ტორესი, რომელმაც 48-ე წუთზე საჯარიმოს გარედან დაარტყა და 1:1.

გოლის შემდეგ იბერია უპირატესობას კვლავ ფლობდა. 87-ე წუთზე ტაბატაძემ ჯარიმა ზუსტად ჩააწოდა, დერეკ აგიაკვამ თავური დარტყმით ისევ წინ გაიყვანა იბერია – 2:1. ძირითადი დრო ამ შედეგით დასრულდა და დამატებითი ტაიმები დაინიშნა.

გადამწყვეტ გოლს იბერიას მარცხს მოჰყვა. ბრაზილიელმა ალეშანდრემ მარცხენა ფლანგიდან ჩააწოდა, რობერტ კირსმა ბურთი მოუხერხებლად დაარტყა, თუმცა ბურთი მაინც იბერიას კარში აღმოჩნდა – 2:2. ბოლო წუთების შეტევებს შედეგი აღარ მოუტანია.

შეგახსენებთ, რომ პირველი შეხვედრა ტალინში ლევადიამ 1:0 მოიგო. მესამე საკვალიფიკაციო ეტაპზე ესტონელები ლუქსემბურგულ დიფერდანჟსა და უელსურ ნიუ სეინტსს შორის გამარჯვებულს შეხვდებიან.

იბერია 1999-მა კი ზედიზედ მეორე ფრონტზე წააგო. საქართველოს ჩემპიონს ჯერ ჩემპიონთა ლიგა დაატოვებინეს, ახლა კი კონფერენსლიგიდანაც გამოაძევეს. გუნდს აშკარად არ ჰყოფნის საერთაშორისო გამოცდილება და სტაბილურობა, რაც ევროპაზე წარმატებისთვის აუცილებელია.