ჩისკოს ახალი თავგადასავალი

ქართველ გულშემატკივრებს კარგად ახსოვთ ჩისკო მუნიოსი — თბილისის დინამოს ყოფილი ფეხბურთელი და მთავარი მწვრთნელი. დღეს ის მალაიზიის მოქმედ ჩემპიონს, ჯოჰორ დარულს უდგას სათავეში. კლუბში არაერთი ლეგიონერია, მათ შორის, რამდენიმე ესპანელი ფეხბურთელიც. საინტერესოა, რომ ჯოჰორში ტექნიკური დირექტორის პოსტი ლუის გარსიას უკავია, იმავე ლუის გარსიას, რომელმაც ლივერპულთან ერთად ჩემპიონთა ლიგა მოიგო და იმ ისტორიულ სეზონში უმნიშვნელოვანესი გოლებით დაამახსოვრა თავი.

ჩისკოს ბოლო წლების კარიერა საკმაოდ დატვირთული იყო: სლოვაკეთში დუნაისკა სტრედას წვრთნიდა, მანამდე კი უოტფორდი ჩემპიონშიფიდან პრემიერ ლიგაში აიყვანა, თუმცა, როგორც ხშირად ხდება, გუნდის ხელმძღვანელობამ სეზონის სტარტშივე, სულ რვა ტურის შემდეგ, თანამდებობიდან გაუშვა.

შეგახსენებთ, რომ ჩისკო დინამოში 2011-14 წლებში თამაშობდა. რაც შეეხება მწვრთნელობას, თბილისურ გუნდს 2018/19 და 2020/21 წლების სეზონში უდგა სათავეში.