ქარელმა გორის დილას ყოფილი წევრი დაიმატა

საფეხბურთო გუნდ ქარელს ახალი შემტევი ჰყავს – 22 წლის ფორვარდი გუგა ტლაშაძე, რომელიც გუნდს თავისუფალი აგენტის სტატუსით შეუერთდა. ფეხბურთელმა სადებიუტო შეხვედრა ბორჯომი 2-ის წინააღმდეგ ჩაატარა, ძირითად შემადგენლობაში მოხვდა და გოლიც გაიტანა.

ტლაშაძე გორის დილას აკადემიის აღზრდილია, ირიცხებოდა ამავე გუნდის შემადგენლობაშიც, უმაღლეს ლიგაში… კარიერის განმავლობაში კი გორის ლეგიონსა და კასპშიც უთამაშია. ახალგაზრდა თავდამსხმელს სერიოზული დაბრკოლება 1.5-წლიანი ტრავმის გამო მოუწია, თუმცა დაბრუნების შემდეგ ქარელის მაისურით სრული დატვირთვით იბრძოლა და გუნდს გამარჯვებაში დაეხმარა.

ამჟამად ქარელი რეგიონული ლიგის ბ ჯგუფში 25 ქულით მეხუთე პოზიციაზეა. კლუბისთვის წლევანდელი სეზონი პროგრესად ითვლება, რადგან ბოლო წლებში გუნდს უარყოფითი შედეგები ჰქონდა, გუნდის დაარსების წელს – 2023-ში და შემდეგ 2024 წელს ბოლოსწინა ადგილზე გავიდნენ. გულშემატკივრებს იმედი აქვთ, რომ მომავალ წლებში ქარელი კიდევ უფრო წინ წაიწევს და ზედა ლიგებში ასასვლელად იბრძოლებს.