UEFA შესარჩევებისა და ერთა ლიგის ფორმატს ცვლის

უეფამ მსოფლიოსა და ევროპის ჩემპიონატების შესარჩევ ეტაპზე ფორმატისა და ერთა ლიგის სტრუქტურის შეცვლას გეგმავს, რომელიც წევრ ფედერაციებთან ერთად შეათანხმა. ცვლილება ძალაში ევრო 2028-ის შემდეგ შევა.

ცვლილება მუნდიალის და ევროს შესარჩევში

ტურნირი დაიყოფა ორ ლიგად: ლიგა 1, რომელშიც ერთა ლიგის A და B დივიზიონის 36 ნაკრები მოხვდება; ლიგა 2-ში ითამაშებენ ერთა ლიგის C ლიგის 18 ან 19 ნაკრები (თუ მანამდე უეფა რუსეთს დააბრუნებს).

საკვალიფიკაციო ეტაპზე ლიგა 1-ის 36 ნაკრები გადანაწილდება სამ ჯგუფში: თითოეულში 12 ნაკრები, რომელიც ექვს სხვადასხვა მეტოქეს შეხვდება – სამს შინ, სამს სტურად. გუნდები შერჩეული იქნება თითოეული კალათიდან ორ-ორ მეტოქე. ჯგუფის გამარჯვებულები მუნდიალზე პირდაპირ გავლენ, დანარჩენები ბრძოლას ფლეი ოფში გააგრძელებენ, სადაც მოხვედრის შანსი ლიგა 2-ის ნაკრებებსაც ექნებათ.

ევროპის ან მსოფლიოს ჩემპიონატის მასპინძელი ნაკრებები შესარჩევ ეტაპზე მაინც ითამაშებენ, რათა ერთა ლიგის მომდევნო სეზონისთვის რეიტინგი შედგეს, თორემ მასპინძლის ფინალურ ეტაპზე ავტომატურად გასულები იქნებიან.

ცვლილება ერთა ლიგის ფორმატში

ერთა ლიგა 2028-29 წლების სეზონიდან ამჟამინდელი ოთხი ლიგის ფორმატიდან სამ ლიგაზე (A, B, C) გადავა და ლიგებში 18-18 ნაკრები იქნება. თითოეული ლიგა შედგება ექვსი გუნდისგან შემდგარი სამი ჯგუფისგან, რომლებიც ხუთ სხვადასხვა მეტოქეს შერჩევითი პრინციპით შინ და გარეთ ეთამაშებიან. C ლიგაში შვიდი გუნდისგან შემდგარი ერთი ჯგუფი იქნება. ფორმატი უცვლელი დარჩება ფლეი ოფში: მეოთხედფინალები, ოთხთა ფინალი და დაწინაურების/გავარდნის ფლეი ოფები.

ახალი ფორმატი საბოლოო სახეს სექტემბერში მიიღებს, როდესაც UEFA-ს აღმასკომი შეიკრიბება.