უფრო ძლიერი შემადგენლობა ჰყავთ – ვინჩენცო მონტელა

4 სექტემბერს „დინამო არენაზე“ საქართველოს ეროვნული ნაკრები 2026 წლის მსოფლიოს ჩემპიონატის შესარჩევ ეტაპზე თურქეთის ნაკრებს უმასპინძლებს.

შეხვედრას წინ უსწრებდა თურქეთის მთავარი მწვრთნელის, ვინჩენცო მონტელას კომენტარი, რომელმაც განსაკუთრებული ყურადღება ქართველების პროგრესს მიაქცია.

„ჩვენთვის ეს იქნება პირველი ოფიციალური მატჩი და იგი საკმაოდ სერიოზულ მეტოქესთან ტარდება. საქართველოს ეროვნულმა გუნდმა ბოლო პერიოდში აშკარა წინსვლა აჩვენა. ევროპის ჩემპიონატთან შედარებით, ისინი ახლა უფრო შეკრულ და უფრო ძლიერ შემადგენლობას ფლობენ. ამიტომ საჭიროა მაქსიმალური ყურადღება და სრული კონცენტრაცია, რათა სტარტზე შეცდომა არ დავუშვათ.

ვერ გეტყვით, შევძლებთ თუ არა საქართველოსთან იმდენივე გოლის გატანას, რამდენიც გერმანიაში მოვახერხეთ, მაგრამ ფეხბურთის სილამაზე სწორედ იმაშია, რომ განსაკუთრებულად სასიამოვნოა, როცა შენი გუნდი უტევს და ბურთს კარში ამყოფებს.“ – განაცხადა მონტელამ.