ბუდუს მამა: ლეგიონერები კარგი, მაგრამ ახალგაზრდები?

ბუდუ ზივზივაძის მამამ, კახა ზივზივაძემ, სოციალურ ქსელში ახალგაზრდებთან დაკავშირებით არსებული მიდგომა მწვავედ გააკრიტიკა. მისი თქმით, ქართულ ფეხბურთში დღემდე იგრძნობა ძველი დამოკიდებულება, რის გამოც ბევრი ნიჭიერი მოთამაშე კარგავს მოტივაციას და კარიერასაც.

„ისევ იგივე დამოკიდებულებაა ახალგაზრდების მიმართ. გამახსენდა ბუდუს ასაკი, როცა დინამოში სამი წელი არ მისცეს შანსი მოედანზე გასვლის. მიუხედავად ამისა, ორჯერ ბომბარდირი გახდა დინამო 2-ში. ლეგიონერების წინააღმდეგი არ ვარ, მაგრამ რა დააშავეს ამ ბიჭებმა? თუ მაინც შედეგი არ აქვს კლუბს. ყველას ხომ არ ჰყოფნის ნებისყოფა? რამდენ კარგ მომავალ ფეხბურთელს გვიკარგავს ასეთი მიდგომა…

მიხედეთ ამ ახალგაზრდებს, ვისაც გეკუთვნით!!! თუ ბიზნესის კუთხით უყურებთ ფეხბურთს, ამ ბიჭებით იშოვნით ფულს და არა ლეგიონერებით. თან ფინანსებსაც დაზოგავთ და მომავალიც გამოჩნდება!! თუ სხვა რამე არ ხდება, რასაც არ მინდა, რომ დავუშვა!“ – აცხადებს კახა ზივზივაძე