იბერია ევროპა ლიგის საგზურისთვის ბრძოლას აგრძელებს

დღეს, თბილისის იბერია 1999 ევროპა ლიგის ფლეი-ოფის პირველ მატჩს გამართავს.
საქართველოს ჩემპიონი სტუმრად, პოლონეთში ადგილობრივ იაგელონიას დაუპირისპირდება.
იაგელონიამ ევროპა ლიგაზე ორი შეხვედრის ჯამში ბრიტანული ფეხბურთის გრანდი გლაზგო რეინჯერსი დაამარცხა.
პოლონეთში შეხვედრა მასპინძელთა გამარჯვებით 2:1 დასრულდა. გლაზგოში კი გუნდები დაზავდნენ.

იბერია ევროტურნირებზე ჩემპიონთა ლიგიდან ჩაერთო. ქართულმა კლუბმა ტალინის ფლორას ბარიერი წარმატებით დასძლია. (სტუმრად, 3:2, შინ 2:2), მეორე წრეში კი სლოვაკურ სლოვანთან ორრაუნდიან ბრძოლაში დამარცხდა (შინ, 0:2, სტუმრად, 1:1 და ევროპა ლიგაზე გადაერთო.

ევროპა ლიგაზე იბერია 1999-მა ჩრდილოეთ ირლანდიურ ლარნესთან დაძაბული მატჩების შედეგს დადებით შედეგს მიაღწია (სტუმრად, 0:0, შინ დამატებით დროში 2:1) და მინიმუმ კონფერენს ლიგის ძირითად ტურნირზე თამაში გაინაღდა.

იაგელონია და იბერია აქამდე ერთმანეთს არასდროს შეხვედრიან.

პოლონეთის ჩემპიონატში იაგელონიამ შინ, ლოძის ვიძევთან 0:2 წააგო და ქართულ გუნდთან მატჩს არც თუ ისე კარგ ხასიათზე ხვდება.
იბერია კი დრამატულ ბრძოლაში ქუთაისის, ,,რამაზ შენგელიას” სტადიონზე ტორპედოსთან 3:4 დამარცხდა.

დღევანდელი მატჩის მთავარი მსაჯი ბასკი რიკარდო დე ბურგოს ბენგიეჩეა იქნება.

შეხვედრა 20:00 საათზე დაიწყება.

ავტორი: კახა მიხანაშვილი.