იოკიჩი კორუფციის ბრალდებით დააპატიმრეს

გასული წლის 1 ნოემბერს სერბეთში, კერძოდ კი ქალაქ ნოვი სადში დიდი ტრაგედია დატრიალდა. უბედური შემთხვევის შედეგად 16 ადამიანი დაიღუპა და არაერთი დაშავდა. საუბარია რკინიგზის სადგურის სახურავის ჩამონგრევაზე, რამაც ქვეყანაში დიდი მღელვარება გამოიწვია და საქმე იქამდეც კი მივიდა, რომ მრავალათასიან საპროტესტო აქციებზე მთავრობის გადადგომაც მოითხოვეს.

ირკვევა, რომ სხვებთან ერთად საქმეში გარეული სერბი სუპერვარსკვლავის ნიკოლა იოკიჩის ბიძა სინიშაც ყოფილა. დენვერ ნაგეთსის ცენტრის ოჯახის წევრი იმ 14 ადამიანს შორისაა, რომლებიც ეჭვმიტანილნი არიან თანხის უკანონოდ მითვისებასა და კორუფციაში.

გამოძიებამ, რომელიც ახლახან დასრულდა დაადგინა, რომ შედარებით დაბალი ხარისხის სამშენებლო მასალების იაფად შესყიდვის გამო სინიშა იოკიჩმა და მისმა თანამზრახველებმა მსუყე თანხები ჩაიჯიბეს. შედეგად კი მივიღეთ ტრაგედია და გარდაცვლილი ადამიანები.

ცხადია, სინიშა იოკიჩი დააპატიმრეს და მას გისოსებს მიღმა ყოფნა მრავალი წლით ემუქრება. ნიკოლა იოკიჩის ბიძა პროფესიით ისტორიკოსი და ცნობილი საზოგადო მოღვაწეა.