ტატო გრიგალაშვილის მეოთხე მსოფლიო

ტატო გრიგალაშვილი მსოფლიოს ჩემპიონია. უკვე – მეოთხედ. ბაქოში მიმდინარე ძიუდოისტთა მსოფლიო ჩემპიონატზე კი საქართველოს მესამე მედალი აქვს. გიორგი სარდალაშვილისა (ბრინჯაო) და ეთერ ლიპარტელიანის (ვერცხლი) დაწყებული საქმე ტატომ ოქროთი გააგრძელა.

გრიგალაშვილმა საემიროების წარმომადგენელ გაჯიმურატ ომაროვს ორი იუოკი და ერთი ვაზარი იდენტური ილეთებით აართვა და მშვიდად გაიმარჯვა; შვეიცარიელ აურელიან ბონფეროვთან ვაზარს იპონი მიაყოლა; მეოთხედფინალში სერბი ნერკოვიჩი „გოლდენ სკორში“ გაფრთხილებებით მოახსნევინა და ნახევარფინალში კიდევ ერთ სერბზე – მიხაილო სიმინზე გავიდა, რომელიც იდენტურად დაამარცხა და ფინალშია.

ფინალის ძირითადი დრო გდებების გარეშე დასრულდა. „გოლდენ სკორში“ ტატოს ჯერ მომგებიანი იუკო გაუუქმეს, მაგრამ მეტოქე ვაზარიზე მაინც დააგდო და მსოფლიო ჩემპიონატის კვარცხლბეკის უმაღლეს საფეხურზე მეოთხედ შედგა.

საქართველო (თითო ოქრო-ვერცხლი-ბრინჯაო) გუნდურ ჩათვლაში მესამე ადგილზეა და მხოლოდ იაპონიას (6 ოქრო, 2 ბრინჯაო) და აზერბაიჯანს (თითო ოქრო-ვერცხლი; 2 ბრინჯაო) ჩამორჩება.

8 ოქტომბერს საქმეში ორგზის ოლიმპიურ და სამგზის მსოფლიოს  სამგზის ჩემპიონს, ბექა ბექაურსა და მსოფლიოს ჩემპიონს, ლუკა მაისურაძეს ვიხილავთ.