ყველა ლიმასოლში – ელადელების საბოლოო 12

რაღა დარჩა. ორიოდ დღეც და ევრობასკეტ 2025-ზე საქართველოს ნაკრები პირველ მატჩში ესპანეთს დაუპირისპირდება. შეგახსენებთ, ქართველი კალათბურთელების მეტოქეები ჯგუფურ ეტაპზე პირენეელთა გარდა იტალიის, საბერძნეთის, მასპინძელი კვიპროსის და ბოსნიის ეროვნული გუნდები იქნებიან.

ჰოდა, ცნობილი გახდა ელადელთა საბოლოო 12 კაციანი შემადგენლობაც. ბერძენთა მთავარ მწვრთნელს ვასილის სპანულისისს ლიმასოლში  უძლიერესი კალათბურთელები ეყოლება. მის განკარგულებაში იქნებიან:

კოსტას სლუკასი, დიმიტრიოს კაციველისი, ვასილის ტოლიოპულოსი, იანის ანტენტოკუმპო, თანასის ანტენტოკუმპო, კოსტა ანტენტოკუმპო, ალექსანდროს სამოდუროვი, დინოს მოტოღლუ, იანულის ლარენძაკისი, ტაილერ დორსი, კოსტას პაპანიკოლაუ და პანაიოტის კალაიცაკისი.

ვერაფერს ვიტყვით, მართლაც რომ შთამბეჭდავი შემადგენლობაა. ეჭვგარეშეა, რომ ბერძნები ევრობასკეტზე მაღალი მიზნებისთვის იბრძოლებენ.

ალექსანდრ ჯიკიჩის გუნდი ელადელებს 31 აგვისტოს ჯგუფური ეტაპის მესამე ტურში დაუპირისპირდებიან.