უოტფორდს ჩაკვეტაძის გაშვება არ უნდა

ცოტა ხნის წინ ცნობილი გახდა, რომ გიორგი ჩაკვეტაძემ ვალენსიასთან პირადი კონტრაქტის დეტალები შეათანხმა და ტრანსფერისთვის მხოლოდ უოტფორდისა და ღამურების გარიგებაა საჭირო.

როგორც ინგლისურ კლუბთან დაახლოებული წყარო Watford Observer-ი იტყობინება, უოტფორდის პოზიცია უცვლელია – ისინი ქართველი ფეხბურთელის გაყიდვით დაინტერესებულნი არ არიან. ცნობისთვის, “ბზიკების” პოზიცია აქამდეც მსგავსი იყო – მათ ჩაკვეტაძის შენარჩუნება სურდათ.

აღსანიშნავია ისიც, რომ წყაროს ინფორმაციით, ჯერჯერობით, ვალენსიას მხრიდან უოტფორდთან კომუნიკაცია არ ყოფილა, თუმცა ნაკლებ სავარაუდოა, ამან რაიმე შეცვალოს, რადგან პრობლემა სატრანსფერო თანხაა. ჩემპიონშიფის ბინადრებს ჩაკვეტაძის გაყიდვა ისედაც არ სურთ, რის გამოც გიორგის დიდ ფასს ადებენ.

როგორც ირკვევა, ტრანსფერის შანსებს მხოლოდ ერთი გარემოება, ანდრე ალმეიდას გაყიდვა გაზრდის. თუ ვალენსიამ თავისი ნახევარმცველი სარფიანად გაყიდა, შესაძლოა უოტფორდის მოთხოვნილი თანხაც გადაიხადოს.